មន្ត្រីរាជការផ្នែករដ្ឋបាលនៃមន្ទីរពេទ្យបង្អែកខេត្តកំពង់ចាមជូនពរលោកសាស្ត្រាចារ្យ យិន ស៊ីណាត ប្រធានមន្ទីរពេទ្យបង្អែកខេត្តកំពង់ចាមក្នុងឱកាសបុណ្យចូលឆ្នាំថ្មី ឆ្នាំសកល២០២៦

December 31, 2025 event

 

សូមបួងសួងដល់វត្ថុស័ក្តសិទ្ធក្នុងលោក ប្រោសប្រទាន  ពរជ័យ   សិរីមង្គល   វិបុលសុខ   មហាប្រសើរ ជូនចំពោះ លោកសាស្ត្រាចារ្យ យិន ស៊ីណាត  ប្រធានមន្ទីរពេទ្យបង្អែកខេត្តកំពង់ចាម ក្នុងឱកាសបុណ្យចូលឆ្នាំថ្មី ឆ្នាំសកល គ.ស ២០២៦ យើងខ្ញុំទាំងអស់គ្នាជាមន្ត្រីរាជការផ្នែករដ្ឋបាលនៃមន្ទីរពេទ្យបង្អែកខេត្តកំពង់ចាម សូមគោរពជូនពរ  បវរមហាប្រសើរ  ជូនចំពោះ  លោកសាស្ត្រាចារ្យ យិន ស៊ីណាត និង ភរិយា ព្រមទាំងក្រុមគ្រួសារ សូមបានប្រកបដោយសុខភាពល្អ បរិបូណ៌ បញ្ញាញាណ ភ្លឺថ្លា ឈ្លាសវៃ  សេចក្តីចម្រើន គ្រប់ប្រការ​ និង ជួបប្រទះ តែពុទ្ធពរ ទាំងបួនប្រការគឺ  អាយុ  វណ្ណៈ សុខ និងពលៈ កុំបីឃ្លៀងឃ្លាតឡើយ ។

អានបន្ត

លោកជំទាវ ប៉ាង ដានី អភិបាលរងនៃគណៈអភិបាលខេត្តកំពង់ចាមអញ្ជើញ ចុះសួរសុខទុក្ខភរិយាកងទ័ពជួរមុខនៅមន្ទីរពេទ្យបង្អែកខេត្តកំពង់ចាម

December 30, 2025 dailynews

ថ្ងៃអង្គារ ១១ កើត ខែបុស្ស ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៣០ ខែធ្នូ ឆ្នាំ២០២៥ លោកជំទាវ ប៉ាង ដានី អភិបាលរងនៃគណៈអភិបាលខេត្តកំពង់ចាម និងជាអនុប្រធានអចិន្ត្រែយ៍សាខាកាកបាទក្រហមកម្ពុជាខេត្តកំពង់ចាម និងជាប្រធានក្រុមការងារឥស្សរជនឆ្នើមថ្នាក់ជាតិសាខាខេត្តកំពង់ចាម តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាប្រធានគណៈកម្មាធិការសាខាកាកបាទក្រហមកម្ពុជាខេត្តកំពង់ចាម និងសហការី រួមដំណើរដោយនាយកសាខាកាកបាទក្រហមកម្ពុជាខេត្តកំពង់ចាម បានអញ្ជើញ ចុះសួរសុខទុក្ខភរិយាកងទ័ពជួរមុខចំនួនពីរគ្រួសារ រួមមាន អ្នកស្រី សៀង ចាន់ណា អាយុ៤១ឆ្នាំ ជាភរិយាកងទ័ពជួរមុខទិស ឧត្តរមាន ជ័យ ដែលបានភៀសខ្លួនមករស់នៅស្រុកកំណើត ស្ថិតនៅភូមិអណ្តូងពោធិ ឃុំក្រឡា ស្រុកកំពង់សៀម ខេត្តកំពង់ចាម និងភរិយាកងទ័ពនៅជួរមុខ១គ្រួសារទៀត ឈ្មោះ អ្នកស្រី វី ចាន់មួយលី អាយុ ២៤ឆ្នាំ បានភៀសខ្លួនមកនៅ ភូមិកោះរកា ស្រុកកំពង់សៀម ខេត្តកំពង់ចាម ជាភរិយារបស់យោធិនឈ្មោះ ឯក វិច្ឆ័យ ជាកងទ័ពជួរមុខ នៅទិស ឧត្តរមានជ័យ ដែលបានច្បាប់ពីអង្គភាពមកកំដរប្រពន្ធមួយរយ: ។

លោកជំទាវ ប៉ាង ដានី បាននាំយកបណ្តាំផ្ញើសាកសួរសុខដោយក្តីនឹករលឹក និងអាណិតអាសូរបំផុត ពី ឯកឧត្តម អ៊ុន ចាន់ដា ប្រធានគណ:កម្មាធិការសាខាខេត្តកំពង់ចាម និងឯកឧត្តមសន្តិបណ្ឌិត នេត សាវឿន ប្រធានកិត្តិយសសាខាខេត្តកំពង់ចាម ជាពិសេសពី សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជាដែលក្នុងតូនាទីជាឥស្សរជនឆ្នើមថ្នាក់ជាតិ សម្តេចប្រធាន តែងតែបានណែនាំឲ្យក្រុមការងារឥស្សរជនឆ្នើមថ្នាក់ជាតិថ្នាក់សាខាខេត្តកំពង់ចាម និងបណ្តាញការងារគ្រប់ថ្នាក់ យកចិត្តទុកដាក់ ជួយដោះស្រាយសម្រាលទុក្ខលំបាកដល់ពលរដ្ឋរងគ្រោះ និងងាយរងគ្រោះ ក្នុងនោះ ត្រូវផ្តោតជាសំខាន់ទៅលើគ្រួសារកងទ័ពជួរមុខ និងពលរដ្ឋភៀសសឹក ពិសេស ការគាំពារ សុខភាព មាតា ទារក និងកុមារ ដោយមិនរើសអើង ។

នៅក្នុងឱកាសនោះដែរ លោកជំទាវ ប៉ាង ដានី បានផ្តល់អំណោយរបស់សម្តេចកិត្តិព្រឹទ្ធបណ្ឌិត ប្រធានកាកបាទក្រហមកម្ពុជា ជូនគ្រួសារកងទ័ពទាំង២គ្រួសារ ក្នុង១គ្រួសារ ទទួលបាន ម្សៅ ទឹកដោះគោ សម្ភារខោអាវទារក ឃីត ស្ត្រី ១ឈុត ផ្លែឈើស្រស់ ១កន្ត្រក និង ថវិកាចំនួន ១,០០០,០០០រៀលផងដែរ។
បើតាមការឲ្យដឹងពី នាយកសាខាកាកបាទក្រហមខេត្តកំពង់ចាម បានបញ្ជក់ថា ភរិយាវីរ:កងទ័ពជួរមុខទាំង ២នាក់ បានមកសម្រាកនិងសម្រាលកូនដោយសុវត្ថិភាពបាន១នាក់ និងម្នាក់ទៀត កំពុងត្រៀមសម្រាលនៅក្នុងមន្ទីរពេទ្យបង្អែកខេត្តកំពង់ចាម ដែលសេវាព្យាបាល និងសម្រាលជាបន្ទុករបស់មន្ទីរពេទ្យបង្អែកខេត្តកំពង់ចាម ។

អានបន្ត

ការផ្តល់សេវាវះកាត់ប្តូរក្បាលឆ្អឹងត្រកៀក

November 28, 2025 ក្រុមគ្រូពេទ្យបារាំង

ក្រុមគ្រូពេទ្យឯកទេសអញ្ជើញមកពីប្រទេសបារាំង សហការជាមួយក្រុមគ្រូពេទ្យឯកទេសនៃមន្ទីរពេទ្យបង្អែកខេត្តកំពង់ចាមបានបំពេញបេសកកម្មក្នុងការផ្តល់សេវាវះកាត់ប្តូរក្បាលឆ្អឹងត្រកៀកនៅមន្ទីរពេទ្យបង្អែកខេត្តកំពង់ចាម ចាប់បីថ្ងៃទី២៥ ដល់ថ្ងៃទី២៨ ខែវិច្ឆិកា ឆ្នាំ២០២៥ ត្រូវបានបញ្ចប់ដោយជោគជ័យ និងទទួលបានលទ្ធផលល្អប្រសើរគួរឲ្យកត់សំគាសល់ ។

អានបន្ត

ពិធីទទួលស្វាគមន៍ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ

October 21, 2025 ព័ត៌មមាន, សេវាគំរូ ២០២៤

ថ្ងៃអង្គារ ១៤ រោច ខែអស្សុជ ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី២១ ខែតុលា ឆ្នាំ២០២៥ មន្ទីរពេទ្យបង្អែកកំពង់ចាមបានរៀបចំពិធីទទួលស្វាគមន៍ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មការវាយតម្លៃអង្គភាពផ្តល់សេវាសាធារណៈថ្នាក់ជាតិ ( គ.វ.ជ ) ក្នុងគោលបំណងដើម្បីជួបសំណេះសំណាល និងឈ្វេងយល់ ពីបទពិសោធន៍ជាក់ស្តែងនិយមស្តីពី ឧត្តមានុវត្តន៍ និងនវានុវត្តន៍នៃការគ្រប់គ្រង និងការផ្តល់សេវា របស់មន្ទីរពេទ្យបង្អែកខេត្តកំពង់ចាម ដែលជាមន្ទីរពេទ្យជ័យលាភីលេខ១ទូទាំងប្រទេសកម្រិត CPA3 ជាអង្គភាពផ្តល់សេវាសាធារណៈគំរូក្នុងវិស័យសុខាភិបាល ឆ្នាំ២០២៤ ។

អមដំណើរ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ នៅក្នុងឱកាសនៃពិធីសំណេះសំណាល និងឈ្វេងយល់ ពីបទពិសោធន៍ជាក់ស្តែងនិយមស្តីពី ឧត្តមានុវត្តន៍ និងនវានុវត្តន៍នៃការគ្រប់គ្រង និងការផ្តល់សេវា របស់មន្ទីរពេទ្យបង្អែកខេត្តកំពង់ចាមនាពេលនោះរួមមាន ឯកឧត្តម លោកជំទាវ គណៈកម្មការវាយតម្លៃអង្គភាពផ្តល់សេវាសាធារណៈថ្នាក់ជាតិ ( គ.វ.ជ ) ឯកឧត្តមអភិបាលនៃគណៈអភិបាលខេត្តកំពង់ចាម ឯកឧត្តមអភិបាលរងនៃគណៈអភិបាលខេត្តកំពង់ចាម លោកនាយករដ្ឋបាលខេត្តកំពង់ចាម លោក លោកស្រី ប្រធានមន្ទីរអង្គភាពជុំវិញខេត្តកំពង់ចាម ព្រមទាំងមានការចូលរួមពីសំណាក់លោក លោកស្រី ថ្នាក់ដឹកនាំមន្ទីរពេទ្យ ប្រធានផ្នែក នាយសាល និងមន្ត្រីនៃមន្ទីរពេទ្យបង្អែកខេត្តកំពង់ចាមផងដែរ ។

ថ្លែងក្នុងឱកាសនោះ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងប្រធានគណៈកម្មការវាយតម្លៃអង្គភាពផ្តល់សេវាសាធារណៈថ្នាក់ជាតិ បានធ្វើការវាយតម្លៃខ្ពស់ចំពោះការខិតខំប្រឹងប្រែងរបស់ថ្នាក់ដឹកនាំ និងមន្ត្រីរាជការនៃមន្ទីរពេទ្យបង្អែកខេត្តកំពង់ចាមគ្រប់លំដាប់ថ្នាក់រហូតទទួលបានជ័យលាភីជាអង្គភាពផ្តល់សេវាសាធារណៈគំរូឆ្នាំ២០១៩ និងឆ្នាំ២០២៤ ។

ឯកឧត្តម ឧបនាយករដ្ឋមន្ត្រី បានបន្ថែមថាសមិទ្ធិផល ដែលទទួលបាននៅពេលនេះមិនមែនជាការចៃដន្យនោះទេ គឺកើតឡើងដោយសារការខិតខំប្រឹងប្រែង រួមទាំងភាពវៃឆ្លាត ក្នុងការដឹកនាំ ចាត់ចែងរបស់ថ្នាក់ដឹកនាំមន្ទីរពេទ្យ ប្រកកបដោយភាពប្រាដកនិយម ចក្ខុវិស័យវែងឆ្ងាយ មានសាមគ្គីភាពផ្ទៃក្នុងល្អ ព្រមទាំងមានការចូលរួមពីអាជ្ញាធរដែនដី គ្រប់លំដាប់ថ្នាក់ សហគមន៍ និងអង្គការដៃគូអភិវឌ្ឍនានា ដែលបង្ហាញឲ្យឃើញពីភាពប្រទាក់ក្រឡាគ្នា នៃការទំនាក់ទំនងប្រកបដោយប្រសិទ្ធភាព ដើម្បីកៀរគរធនធនសម្រាប់អភិវឌ្ឍនមន្ទីរពេទ្យឲ្យកាន់តែមានភាពរីកចម្រើន ។

ឯកឧត្តម ឧបនាយករដ្ឋមន្ត្រី ក៏បានលើកទឹកចិត្តឱ្យអង្គភាពផ្តល់សេវាសាធារណៈទាំងអស់ ត្រូវតែ បន្តកិច្ចខិតខំប្រឹងប្រែង កែលម្អ ពង្រឹង និងលើកកម្ពស់គុណភាព ប្រសិទ្ធភាព គណនេយ្យភាព នៃការគ្រប់គ្រង ដើម្បីបំពេញសេវាជូនប្រជាជន ក្នុងមូលដ្ឋានរបស់ខ្លួនឱ្យកាន់តែល្អប្រសើរ ។

ឯកឧត្តមឧបនាយករដ្ឋមន្ត្រី ក៏បានលើកទឹកចិត្តអង្គភាពផ្តល់សេវាសាធារណៈទាំងអស់ បន្តកិច្ចខិតខំប្រឹងប្រែង និងប្រើប្រាស់ធនធានប្រកបដោយនវានុវត្តន៍ និងអស់សក្តានុពល ក្នុងស្មារតីរួមសាមគ្គីគ្នា និងសហការគ្នា ឱ្យកាន់តែជិតស្និទ្ធរវាងថ្នាក់ដឹកនាំអង្គភាពជាមួយមន្ត្រី អាជ្ញាធរមូលដ្ឋាន សហគមន៍ ស្ថាប័នដៃគូអភិវឌ្ឍន៍ និងតួអង្គពាក់ព័ន្ធទាំងអស់ ដើម្បីកែលម្អ ពង្រឹង និងលើកកម្ពស់គុណភាព ប្រសិទ្ធភាព គណនេយ្យភាព នៃការគ្រប់គ្រង និងការផ្លាស់ប្តូរនៃការផ្តល់សេវាសាធារណៈ ដើម្បីបំពេញសេវាជូនប្រជាជន ក្នុងមូលដ្ឋានរបស់ខ្លួនឱ្យកាន់តែល្អប្រសើរ ព្រមទាំងលើកទឹកចិត្តឱ្យមានការផ្សព្វផ្សាយឱ្យបានទូលំទូលាយនូវសកម្មភាពនានា នៃការអនុវត្តការងាររបស់មន្ត្រីរាជការគ្រប់ជាន់ថ្នាក់ទាំងអស់ ក្នុងគោលដៅ បង្កើនការផ្សព្វផ្សាយឧត្តមានុវត្តន៍ និងនវានុវត្តន៍ នៃការផ្តល់សេវារបស់អង្គភាពជ័យលាភី និងគុណតម្លៃនៃមន្ត្រីសុខាភិបាលមូលដ្ឋាន៕

 

អានបន្ត