ក្រមសីលធម៌របស់មន្ទីរពេទ្យបង្អែកខេត្តកំពង់ចាម

១.ការថែទាំអ្នកជំងឺ (Patient Care)

ក. ការគោរព និងសេចក្តីថ្លៃថ្នូរ (Respect and Dignity) ៖

ប្រព្រឹត្តចំពោះអ្នកជំងឺទាំងអស់ដោយការគោរព សេចក្តីថ្លៃថ្នូរ និង ក្តីមេត្តា ដោយមិនគិតពីប្រវត្តិ ជំនឿ ស្ថានភាពសុខភាពរបស់ពួកគេឡើយ ។ 

ខ. ការសម្ងាត់ (Confidentiality) ៖ 

រក្សាការសម្ងាត់នៃព័ត៌មានអ្នកជំងឺគ្រប់ពេលវេលា ស្របតាមស្តង់ដារ ច្បាប់ និងក្រមសីលធម៌ 

គ. គុណភាពនៃការថែទាំ (Quality of Care)៖ 
ផ្តល់នូវគុណភាពខ្ពស់បំផុតនៃការថែទាំ ធានាសុវត្ថិភាពអ្នកជំងឺ និងប្រកាន់ខ្ជាប់នូវការអនុវត្តផ្អែកលើភស្តុតាង ។

២.ក្រមសីលធម៌វិជ្ជាជីវៈ  (Professional Conduct)

ក. សុចរិតភាព (Integrity)៖ 
អនុវត្តការងារប្រកបដោយភាពស្មោះត្រង់ និង សុច្ចរិតភាព ក្នុងអន្តរកម្មវិជ្ជាជីវៈទាំងអស់ ។

ខ. សមត្ថភាព (Competence)៖ 

រក្សា និង បង្កើនចំណេះដឹង និងជំនាញវិជ្ជាជីវៈ តាមរយៈការអប់រំ និងការបណ្តុះបណ្តាលជាបន្តបន្ទាប់ ។

គ. ទំនួលខុសត្រូវ (Accountability)៖ 

ទទួលខុសត្រូវចំពោះសកម្មភាព និងការសម្រេចចិត្ត ហើយរាយកាណ៍នូវអាកប្បកិរិយាទាំងឡាយណាដែលគ្មានសីលធម៌ ឬខុសច្បាប់ ។

៣.សហការ និងការងារជាក្រុម (Collaboration and Teamwork)

ក. ការគោរពចំពោះមិត្តរួមការងារ (Respect for Colleagues)៖ 

ប្រព្រឹត្តចំពោះមិត្តរួមការងារទាំងអស់  ដោយការគោរព និង  ជំរុញបរិយាកាសការងារដែលសហការគ្នា។

ខ. ការប្រាស្រ័យទាក់ទង (Communication)៖ 

ទំនាក់ទំនងប្រកបដោយប្រសិទ្ធភាព និងបើកចំហរជាមួយមិត្តរួមការងារ អ្នកជំងឺនិងក្រុមគ្រួសាររបស់ពួកគេ។

គ. អន្តរវិជ្ជាជីវៈ (Interdisciplinary Approach)៖ 

ធ្វើការសហការជាមួយអ្នកជំនាញសុខាភិបាលផ្សេងទៀត ដើម្បីផ្តល់ការថែទាំបានយ៉ាងទូលំទូលាយ ។

៤.ការសម្រេចចិត្តប្រកបដោយក្រមសីលធម៌ (Ethical Decision-Making)

 ក. ស្វ័យភាពអ្នកជំងឺ (Patient Autonomy)
គោរពសិទ្ធិរបស់អ្នកជំងឺក្នុងការសម្រេចចិត្ត ដោយផ្តល់ព័ត៌មានអំពីការថែទាំរបស់ពួកគេ។

ខ. ការមិនបង្កគ្រោះថ្នាក់ (Non-Maleficence)

ជៀសវាងការបង្កគ្រោះថ្នាក់ដល់អ្នកជំងឺ និងព្យាយាមកាត់បន្ថយហានិភ័យ 

គ. អត្ថប្រយោជន៍ (Beneficence)
ធ្វើសកម្មភាពដែលមានប្រយោជន៍ល្អបំផុតសម្រាប់អ្នកជំងឺ លើកកម្ពស់សុខុមាលភាព និងសុខភាពរបស់ពួកគេ ។

៥.ភាពអនុលោម និងបទដ្ឋានច្បាប់ (Compliance and Legal Standards)

ក. ការអនុលោមតាមបទបញ្ញត្តិ (Regulatory Compliance)

ប្រកាន់ខ្ជាប់នូវច្បាប់ បទបញ្ជា និងគោលនយោបាយរបស់មន្ទីរពេទ្យដែលពាក់ព័ន្ធទាំងអស់ ។

ខ. ការរាយការណ៍ (Reporting)
រាយការណ៍ភ្លាមៗ រាល់ការរំលោភលើបទដ្ឋានសីលធម៌ ឬតម្រូវការច្បាប់នានា ។

គ. តម្លាភាព (Transparency)
ធានានូវតម្លាភាពក្នុងការចេញវិក័យប័ត្រ ការអនុវត្តន៍ហិរញ្ញវត្ថុ និងនីតិវិធីថែទាំអ្នកជំងឺ ។

៦.ទំនួលខុសត្រូវចំពោះសហគមន៍  Community Responsibility

ក. សុខភាពសាធារណៈ(Public Health)
លើកកម្ពស់សុខភាពសាធារណៈ និងចូលរួមក្នុងការផ្សព្វផ្សាយ និងអប់រំសហគមន៍។

ខ. ការគ្រប់គ្រងបរិស្ថាន (Environmental Stewardship)
អនុវត្តសកម្មភាពដែលកាត់បន្ថយផលប៉ះពាល់បរិស្ថាន និងលើកកម្ពស់និរន្តរភាព។

គ. ទំនួលខុសត្រូវសង្គម (Social Responsibility)
តស៊ូមតិដើម្បីយុត្តិធម៌សង្គម និងធ្វើការដើម្បីកាត់បន្ថយវិសមភាពសុខភាពនៅក្នុងសហគមន៍។