Kampong Cham Provincial Referral Hospital has provided services of treatment and health care with good quality to reduce morbidity and mortality of people in Kampong Cham Province as well as people who has been referred from other provinces.
មន្ទីរពេទ្យបង្អែកខេត្តកំពង់ចាម ផ្តល់សេវា ព្យាបាល និង ថែទាំសុខភាពប្រកបដោយគុណភាពល្អ និង សុវត្ថិភាព ដើម្បីកាត់បន្ថយអត្រាឈឺ និងអត្រាស្លាប់របស់ប្រជាជននៅក្នុងខេត្តកំពង់ចាម ព្រមទាំងប្រជាជនដែលបញ្ជូនមកពីខេត្តផ្សេងទៀតផងដែរ ។
To improve the provision of quality and effective treatment and care services and equitable to patients and other people as especially for the poor people and vulnerable.
ដើម្បីលើកកំពស់ការផ្តល់សេវាព្យាបាល និងថែទាំមានគុណភាព ប្រសិទ្ធភាព និងប្រកបដោយសមធម៌ ដល់អ្នកជំងឺ និងប្រជាពលរដ្ឋទូទៅ ជាពិសេស ប្រជាពលរដ្ឋ ក្រីក្រ និងងាយរងគ្រោះ ។
- Professional ethics - Loyalty - Equitable and non-discrimination - Prosperity
- ក្រមសីលធម៌ វិជ្ជាជីវៈ - ការគោរព ស្មោះត្រង់ - សមធម៌ និង មិនរើសអើង - ឧត្តមភាព/ភាពថ្កុំថ្កើង
Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.
ថ្ងៃសុក្រ ១០ រោច ខែភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៧ ខែកញ្ញា ឆ្នាំ២០២៤ លោកសាស្ត្រាចារ្យ យិន ស៊ីណាត ប្រធានមន្ទីរពេទ្យបង្អែកខេត្តកំពង់ចាម បានចូលរួមធ្វើបទបង្ហាញ ស្តីពីលក្ខណៈវិនិច្ឆ័យនៃការវាយតម្លៃនិងការទទួលស្គាល់អង្គភាពផ្តល់សេវាគំរូ ជូនគណៈកម្មការ វាយតម្លៃអង្គភាពផ្តល់សេវាសាធារណៈគំរូ ក្នុងវិស័យអប់រំ និងវិស័យសុខាភិបាល នៅសាលប្រជុំតូចនៃសាលាខេត្តកំពង់ចាម ក្រោមអធិតីភាព ឯកឧត្តម អ៊ុន ចាន់ដា អភិបាល នៃគណ់អភិបាលខេត្តកំពង់ចាម សមាសភាពចូលរួមជាអធិបតីក្នុងឱកាសនោះរួមមាន ឯកឧត្តម ហាន កុសល លោកជំទាវ ប៉ាង ដានី អភិបាលរងខេត្ត ព្រមទាំងលោក លោកស្រី ជាគណៈកម្មការ វាយតម្លៃអង្គភាពផ្តល់សេវាសាធារណៈគំរូ ក្នុងវិស័យអប់រំ និងវិស័យសុខាភិបាលថ្នាក់ខេត្តផង ។ ជាលទ្ធផលនៃការវាយតម្លៃសម្រាប់វិស័យសុខាភិបាល៖ ១. មន្ទីរពេទ្យបង្អែកខេត្តកំពង់ចាម ( CPA3) ២. មន្ទីរពេទ្យបង្អែកចំការលើ (CPA2) ៣. មន្ទីរពេទ្យបង្អែកបាធាយ (CPA2) ៤. មន្ទីរពេទ្យបង្អែក ហ៊ុន សែន ស្ទឹងត្រង់ (CPA1) ៥. មន្ទីរពេទ្យបង្អែកព្រៃឈរ (CPA1) ។
នៅក្នុងឱកាសនោះដែរ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានមានប្រសាសន៍សូមឲ្យ អង្គភាពវិស័យសុខាភិបាល និងវិស័យអប់រំខេត្ត យកចិត្តទុកដាក់ ជាពិសេសវិស័យអប់រំ សូមឱ្យនាយកសាលា ក្រុមការងារវាយតម្លៃ អាជ្ញាធរពាក់ព័ន្ធទាំងអស់ បង្កើនការយកចិត្តទុកដាក់ និងការខិតខំប្រឹងប្រែងធ្វើការងារនេះប្រកបដោយឆន្ទៈមោះមុត ដែលធានាថា សាលាដែលបានជ្រើសរើសយកទៅប្រឡងប្រណាំងនេះ ជាសាលាដែលទទួលបានជ័យលាភីក្នុងកម្រិតភាគរយណាមួយ ដែលអាចទទួលយកបាន។ ឯកឧត្តម អភិបាលខេត្ត ក៏បានយកឱកាសនោះថ្លែងកោតសរសើរដល់ លោក លោកស្រី ថ្នាក់ដឹកនាំ ទាំងអស់ដែលខិតខំសម្រេចបាននូវអង្គភាព ទៅតាមវិស័យនីមួយៗ ដាក់ជូនអង្គប្រជុំ សម្រាប់ធ្វើការពិនិត្យ និងវាយតម្លៃនាពេលនេះ៕
Hotline Number: +855 979 716 044
