ថ្ងៃពុធ ៤ កើត ខែបឋមាសាឍ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២១ ខែមិថុនា ឆ្នាំ២០២៣ លោកសាស្ត្រាចារ្យ យិន ស៊ីណាត ប្រធានមន្ទីរពេទ្យបង្អែកខេត្តកំពង់ចាម និងក្រុមការងារ IPC មន្ទីរពេទ្យបង្អែកខេត្តកំពង់ចាម បានជួបប្រជុំពិភាក្សាការងារជាមួយក្រុមការងារគាំពារបរិស្ថាន និងសង្គមនៃនាយកដ្ឋានការពារសុខភាព នាយកដ្ឋាន មន្ទីរពេទ្យនៃក្រសួងសុខាភិបាល និងក្រុមការងារធនាគារពិភពលោក ដែលបានចុះតាមដានវាយតម្លៃ និងគាំទ្រការអនុវត្តន៍ នូវកិច្ចការពារបរិស្ថាន និងសង្គមក្នុងការផ្តល់សេវាសុខភាពនៃគម្រោងH-EQIP.2 នៅមន្ទីរពេទ្យខេត្តកំពង់ចាម ដើម្បីពង្រឹងលើកិច្ចការពារបរិស្ថាន និងសង្គមក្នុងការផ្តល់សេវាសុខភាពនៃគម្រោង H-EQP2 ឱ្យប្រព្រឹត្តទៅ កាន់តែល្អប្រសើរនិងមានប្រសិទ្ធភាព ។
