ព្រឹកថ្ងៃចន្ទ ១២ កើត ខែមិគសិរ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី៥ ខែធ្នូ ឆ្នាំ២០២២ ឯកឧត្តម គីមសួរ ភីរុណ ប្រធានមន្ទីរសុខាភិបាលនៃរដ្ឋបាលខេត្តកំពង់ចាម លោកសាស្ត្រាចារ្យ យិន ស៊ីណាត ប្រធានមន្ទីរពេទ្យបង្អែកខេត្តកំពង់ចាម និង លោក លោកស្រី ថ្នាក់ដឹកនាំមន្ទីរពេទ្យ ព្រមទាំង លោក លោកស្រី ប្រធានផ្នែក នាយសាល មន្ត្រីរាជការ នៃមន្ទីរពេទ្យបង្អែកខេត្តកំពង់ចាម បានចូលរួមធ្វើបដិសណ្ឋារកិច្ច ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម អមដំណើរដោយ ឯកឧត្តមអភិបាលរងខេត្ត និង លោកនាយករដ្ឋបាលខេត្តកំពង់ចាម ដែលបានអញ្ជើញមកសួរសុខទុក្ខអ្នកជំងឺ និងបើកកម្មវិធី ពិនិត្យ ព្យាបាលជំងឺ របស់ក្រុមគ្រូពេទ្យជំនាញស្ម័គ្រចិត្តមកពីប្រទេសអូស្ត្រាលី របស់អង្គការ Cambodia Vision ដែលបានមកបំពេញបេសកកម្ម ព្យាបាល វះកាត់ជំងឺភ្នែកឡើងបាយ ដុះកន្ទុយថ្លែន ពិនិត្យជំងឺ គ ថ្លង់ នៅក្នុងមន្ទីរពេទ្យបង្អែកខេត្តកំពង់ចាម ដោយឥតគិតថ្លៃ ចាប់ពីថ្ងៃទី ៤ ដល់ថ្ងៃទី៩ ខែ ធ្នូ ឆ្នាំ២០២២ ។
