ថ្ងៃព្រហស្បតិ៍ ៧ កើត ខែបុស្ស ឆ្នាំខាលចត្វាស័ក ព.ស ២៥៦៦ ត្រូវនឹងថ្ងៃទី២៩ ខែធ្នូ ឆ្នាំ២០២២ នៅមន្ទីរពេទ្យខេត្តកំពង់ចាមបានរៀបចំកម្មវិធីទិវាវិទ្យាសាស្ត្រថែទាំគិលានុប្បដ្ឋាក-យិកា ឆ្មប លើកទី៣ ក្រោមប្រធានបទ" គិលានុបដ្ឋាក យិកានិងឆ្មបជាធនធានមិនអាចខ្វះបានក្នុងការផ្តល់សេវាថែទាំប្រកបដោយប្រសិទ្ធិភាពដើម្បីសម្រេចឲ្យបានូវស្តង់ដារទទួលស្គាល់គុណភាពមន្ទីរពេទ្យនៅកម្ពុជា " ក្រោមអធិបតីភាពដ៏ខ្ពង់ខ្ពស់ឯកឧត្តមសាស្ត្រាចារ្យ ធា គ្រុយ រដ្ឋលេខាធិការក្រសួងសុខាភិបាលប្រធានក្រុមប្រឹក្សាគណៈគ្រូពេទ្យជាតិ និងជាប្រធានគណកម្មការសម្របសម្រួល គណៈវិជ្ជាជីវៈទាំង៥ ។
សមាសភាពចូលរួមជាអធិបតីភាពរួមមាន៖
១.
ឯកឧត្តមវេជ្ជបណ្ឌិត គីមសួរ ភីរុណ ទីប្រឹក្សាក្រសួងសុខាភិបាល និងជាប្រធានមន្ទីរ សុខាភិបាលនៃរដ្ឋបាលខេត្តកំពង់ចាម
២.
លោកសាស្រ្តាចារ្យ យិន ស៊ីណាត ប្រធានមន្ទីរពេទ្យខេត្តកំពង់ចាម
៣.
នាយកសាលាមធ្យមសិក្សាសុខាភិបាលភូមិភាគកំពង់ចាម
៤.
ប្រធានក្រុមប្រឹក្សាគណៈគ្រូពេទ្យខេត្តកំពង់ចាម
៥.
ប្រធានក្រុមប្រឹក្សាគណៈគិលានុបដ្ឋាកកម្ពុជា
៦.
ប្រធានសមាគមគិលានុបដ្ឋាកកម្ពុជា
៧.
ប្រធានក្រុមប្រឹក្សាគណៈគិលានុបដ្ឋាកខេត្តកំពង់ចាម
៨.
ប្រធានក្រុមប្រឹក្សាគណៈឆ្មបកម្ពុជា
៩.
ប្រធានសមាគមឆ្មបកម្ពុជា
១០.
ប្រធានក្រុមប្រឹក្សាគណៈឆ្មបខេត្តកំពង់ចាម
១១.
ប្រធានមន្ទីរសុខាភិបាលខេត្តត្បូងឃ្មុំ
១២.
ប្រធានក្រុមប្រឹក្សាគណៈគិលានុបដ្ឋាកខេត្តត្បូងឃ្មុំ
១៣.
ប្រធានក្រុមប្រឹក្សាគណៈឆ្មបខេត្តត្បូងឃ្មុំ
១៤.
ប្រធានមន្ទីរពេទ្យយោធភូមិភាគ២
កម្មវិធីទិវាវិទ្យាសាស្ត្រថែទាំគិលានុប្បដ្ឋាក-យិកានិងឆ្មបលើកទី៣របស់មន្ទីរពេទ្យបង្អែកខេត្តកំពង់ចាមនេះត្រូវបានរៀបចំឡើងក្នុងគោលបំណងដើម្បី ១.លើកកម្ពស់សមត្ថភាពអនុវត្តបង្កើនគុណភាពក្នុងការផ្តល់សេវាថែទាំនិងអភិវឌ្ឍន៍ផ្នែកប្រកបដោយគុណភាពមានប្រសិទ្ធិភាពខ្ពស់និងមានភាពទទួលខុសត្រូវរបស់គិលានុបដ្ឋាកយិកានិងឆ្មបដែលជាសហការីដ៏ជិតស្និទ្ធជាមួយគ្រូពេទ្យ ២. ពង្រឹងសមត្ថភាពទទួលខុសត្រូវលើការរៀបចំអនុវត្តការងារថែទាំឲ្យមានគុណភាពស្របតាមការវិវត្តន៍នៃបច្ចេកវិទ្យាថ្មីនិងផ្តល់ការថែទាំដូចៗគ្នាទាំងអ្នកក្រីក្រក៏ដូចជាអ្នកមានលទ្ធភាពដោយគោរពក្រមសីលធម៌វិជ្ជាជីវះ ៣.ពង្រឹងសមត្ថកិច្ចដល់គិលានុបដ្ឋាក-យិកា ឆ្មបដើម្បីផ្តល់សេវាថែទាំឆ្លើយតប តម្រូវការរបស់អតិថិជននិងតាមការរីកចម្រើននៅប្រទេសជិតខាងក្នុងតំបន់អាស៊ាន ៤.ពង្រឹងនូវការរៀបចំសណ្តាប់ធ្នាប់អនាម័យនិងភាពស្អាតជានិច្ចរបស់ផ្នែកក្នុងគោលដៅកាត់បន្ថយនិងលុបបំបាត់នូវកាចម្លងរោគក្នុងមន្ទីរពេទ្យ ៥.ទាញយកបទពិសោធន៍ការងារពីអង្គសិក្ខាសាលាយកទៅអនុវត្តសហការជាមួយគ្រូពេទ្យឲ្យមានការរីកចម្រើនលើផ្នែកថែទាំព្យាបាលជូនប្រជាពលរដ្ឋ ៦.ពង្រឹងសមត្ថភាពគិលានុបដ្ឋាក-យិកានិងឆ្មប ក្នុងការផ្តល់សេវាថែទាំប្រកបដោយប្រសិទ្ធិភាពដើម្បីសម្រេចឲ្យបាននូវស្តង់ដារទទួលស្គាល់ គុណភាពមន្ទីរពេទ្យនៅកម្ពុជា" ។
មានប្រសាសន៍ក្នុងពិធីបើក ឯកឧត្តមសាស្ត្រាចារ្យ ធា គ្រុយ រដ្ឋលេខាធិការក្រសួងសុខាភិបាលប្រធានក្រុមប្រឹក្សាគណៈគ្រូពេទ្យជាតិនិងជាប្រធានគណកម្មការសម្របសម្រួលគណៈវិជ្ជាជីវៈទាំង៥រួមមានបានផ្តល់នូវអនុសាសន៍ល្អៗដូចជា គិលានុបដ្ឋាក យិកា ឆ្មបមានការងារនិងការទទួលខុសត្រូវរបស់ខ្លួនដែលត្រូវអនុវត្តការងារទៅតាមNursing Process ប្រកបដោយគុណភាព និងប្រសិទ្ធិភាព ។ គិលានុបដ្ឋាក យិកា ឆ្មប មានការងារត្រូវបំពេញ ផ្សេងពីការងាររបស់គ្រូពេទ្យ ពោល គឺមិនមែនធ្វើការដើម្បីបំរើឲ្យគ្រូពេទ្យនោះទេ តែត្រូវធ្វើការដោយមានការបង្គ្រប់គ្នាទៅវិញទៅមក មិនអាចអត់មួយណាបានឡើយ គ្រូពេទ្យសំខាន់ រីឯគិលានុបដ្ឋាក យិកា ឆ្មប ក៏សំខាន់ដូចគ្នា ដូច្នេះសូមឲ្យគ្រូពេទ្យមើលឃើញពីសារៈសំខាន់របស់អ្នកថែទាំអ្នកជំងឺដែលជាកិច្ចការរបស់គិលានុបដ្ឋាក-យិកា និងឆ្មប។ មិនតែប៉ុណ្ណោះ គិលានុបដ្ឋាក-យិកា និងឆ្មប ត្រូវអនុវត្តឱ្យបានត្រឹមត្រូវតាមនិយាមវិជ្ជាជីវៈរបស់ខ្លួនដូចដែលបានកំណត់ដោយច្បាប់នៃព្រះរាជាណាចក្រកម្ពុជា។
សភាពចូលរួមនៅក្នុងកម្មវិធីរួមមាន លោក លោកស្រី គ្រូពេទ្យ គិលានុបដ្ឋាក-យិកា ឆ្មប បំរើការងារនៅមន្ទីរពេទ្យបង្អែកខេត្តកំពង់ចាម លោក លោកស្រី គ្រូពេទ្យ គិលានុបដ្ឋាក-យិកា ឆ្មប មកពីមន្ទីរពេទ្យបង្អែកទាំង៩ ក្រោមឱវាទមន្ទីរសុខាភិបាលនៃរដ្ឋបាលខេត្តកំពង់ចាម លោក លោកស្រី គ្រូពេទ្យ គិលានុបដ្ឋាក-យិកា ឆ្មប មកពីខេត្តត្បូងឃ្មុំ សាលាមធ្យមសិក្សាសុខាភិបាលភូមិភាគកំពង់ចាម មន្ទីរពេទ្យយោធភូមិភាគ២ ប្រមាណ ១៨១ នាក់ ស្រីចំនួន ៩៧ នាក់ និងលោក លោកស្រី ចូលរួមតាមកម្មវិធី ZOOM ប្រមាណ ២៥៣ នាក់ ។
គណៈមេប្រយោគសម្របសម្រួលមាន លោកសាស្ត្រាចារ្យ យិន ស៊ីណាត លោកអនុបណ្ឌិត អ៊ុន សាន លោកស្រី ប្រាក់ ម៉ានីឡា លោកសាស្ត្រាចារ្យ ជំនួយ ថាន់ សុវណ្ណដេត លោកស្រី ជុក ធីតា លោកស្រី ជុំ សមបុណ្យថា លោកសាស្ត្រាចារ្យ ជំនួយ លនទ្រីយ៍ ប៉ាទ្រិច លោកស្រី មុត សុវណ្ណារ៉ា លោកស្រី អាន ច័ន្ទថា
កម្មវិធីទិវាវិទ្យាសាស្ត្រថែទាំ គិលានុប្បដ្ឋាក-យិកា ឆ្មប លើកទី៣ របស់មន្ទីរពេទ្យខេត្តកំពង់ចាម ត្រូវបានប្រព្រឹត្តិទៅតាមការគ្រោងទុក និង មានដំណើរបានល្អប្រសើរគួរឲ្យកត់សំគាល់ ដោយមានការចាប់អារម្មណ៌ពីសំណាក់ថ្នាក់ដឹកនាំ និងអ្នកចូលរួមដោយមានការចោទជាសំនួរដែលមានខ្លឹមសារ និងសារៈសំខាន់ សម្រាប់ទុកជាបទពិសោធន៍និងរៀនសូត្រដើម្បីអភិវឌ្ឍន៍ខ្លួន សម្រាប់អនុវត្តសកម្មភាពថែទាំអ្នកជំងឺ ប្រកបដោយគុណភាពនិងសុវត្ថិភាព ព្រមទាំងងទទួលបានការបកស្រាយយ៉ាងច្បាស់លាស់ពីសំណាក់អ្នកធ្វើបទបង្ហាញ និង មានការចូលរួមបកស្រាយពីគណៈមេប្រយោគ និង អ្នកសម្របសម្រួលផងដែរ ។ នៅរៀងរាល់ពេលបញ្ចប់វគ្គនិមួយៗមាននាទីសំនួរ និងចំលើយ ព្រមទាំងមានការពិភាក្សាគ្នា យ៉ាងផុសផុល ប្រកបដោយប្រសិទ្ធិភាព និង ប្រសិទ្ធិពល ។
