ថ្ងៃពុធ ៧ កើត ខែមិគសិរ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី៣០ ខែវិច្ឆិកា ឆ្នាំ២០២២ ក្រុមការងាររបស់អង្គការ Alive & Thrive / FHI360 មកពីប្រទេសវៀតណាម សហការជាមួយមជ្ឈមណ្ឌលជាតិគាំពារមាតានិងទារក បានមកធ្វើទស្សនកិច្ចសិក្សា នៅមន្ទីរពេទ្យបង្អែកខេត្តកំពង់ចាម ដើម្បីធ្វើការផ្លាស់ប្តូរបទពិសោធន៍ ព្រមទាំងសិក្សាអំពីសុខភាពមាតា ទារក កុមារ និងអាហារូបត្ថម្ភ ក្នុងចំណោមស្ត្រី និងកុមារនៅក្នុងប្រទេសកម្ពុជា ។ សមាសភាពចូលរួមទទួលស្វាគមន៍ភ្ញៀវនៅក្នុងឱកាសនោះរួមមាន លោកស្រីវេជ្ជ. ចាប់ ច័ន្ធធិតា លោកវេជ្ជ. លនទ្រីយ៍ ប៉ាទ្រិច អនុប្រធានមន្ទីរពេទ្យបង្អែកខេត្តកំពង់ចាម លោកវេជ្ជ. ណែម ប៊ុនធឿន ប្រធានផ្នែកសម្ភព រោគស្ត្រី លោកវេជ្ជ. គីម គឹមស៊្រន់ ប្រធានផ្នែកជំងឺកុមារ និងក្រុមការងារមកពីផ្នែកសម្ភព រោគស្ត្រី និងផ្នែកជំងឺកុមារ នៃមន្ទីរពេទ្យបង្អែកខេត្តកំពង់ចាម ។
