ថ្ងៃសៅរ៍ ៦ កើត ខែផល្គុន ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី២៥ ខែកុម្ភៈ ឆ្នាំ២០២៣ ក្រុមការងារគ្រូពេទ្យស្ម័គ្រចិត្តសម្ដេចឧត្ដមទេពញាណ ហ៊ុនណេង ដឹកនាំដោយ លោកសាស្ត្រាចារ្យ យិន ស៊ីណាត ប្រធានមន្ទីរពេទ្យបង្អែកខេត្តកមពង់ចាម និងជាប្រធានក្រុមការងារគ្រូពេទ្យស្ម័គ្រចិត្តសម្ដេចឧត្ដមទេពញាណ ហ៊ុនណេង បានចុះពិនិត្យព្យាបាលជំងឺ ជូនដល់ប្រជាពលរដ្ឋនៅឃុំដងក្តារ ក្នុងវត្តអូរ២ ស្រុកស្ទឹងត្រង់ ខេត្តកំពង់ចាម ។
តាំងនាមឲ្យថ្នាក់ដឹកនាំនៃក្រុមគ្រូពេទ្យស្ម័គ្រចិត្តសម្ដេចឧត្ដមទេពញាណ ហ៊ុនណេង សូមថ្លែងអំណរគុណយ៉ាងជ្រាលជ្រៅជូនចំពោះលោក លោកស្រីទាំងអស់ដែលបានចំណាយពេលវេលាដ៏មានតម្លៃចូលរួមក្នុងការចុះពិនិត្យព្យាបាលជំងឺ ជូនដល់ប្រជាពលរដ្ឋនៅឃុំដងក្តារ ក្នុងវត្តអូរ២ ស្រុកស្ទឹងត្រង់ នាថ្ងៃទី ២៥ ខែកុម្ភៈ ឆ្នាំ ២០២៣នេះ សូមជូនពរឲ្យលោកស្រីទាំងអស់ជួបប្រទះតែសេចក្តីសុខចម្រើន និងពុទ្ធពរប្រាំប្រការគឺអាយុ វណ្ណៈ សុខៈពលៈ កុំបីឃ្លៀងឃ្លាតឡើយ សូមអរគុណ 🙏